أزاي تكون قائد

إيه هي أصلا أهمية أننا نتعلم القيادة ؟

كــــــــــــــل حاجة حلها في القيادة !!
القــــــــــائد هو سقف المؤسسة... يعني المفروض يكون أحسن واحد...

لو القائد جايب جيد ماتتوقعش اللي معاه هيجيبوا امتياز !!
لازم القائد يكون الأحسن..

القائد مهم جدا يطور من نفسه ..

A non-grown organization is a result of a non-grown leader

بس استني !!
لو القيادة فعلا مهمة كده وكلنا لازم نتعملها ..أمال مين اللي هيتبعنا ؟؟؟؟!!!!

أقول لك..
طبيعة الحياة أن مفيش إنسان بيثبت علي نفس الحال للأبد...
كل شوية القائد بيكون تايع..والتابع بيطلع يبقي قائد..

أيوة أنت قائد.. بس أنت مش قائد في كل حاجة...أنت قائد في حاجات وتابع في حاجات تانية
أيوة أنت قائد.. بس مش قائد علي طول...هيجي فترة وتكون تابع...
أيوة أنت قائد.. بس في نفس الوقت أنت تابع لقائد تاني..

طيب والدليل علي كلام يده إيه ؟؟
مش يمكن انا بأخرف ؟؟؟

أقول لكم..سيبكم من كلامي..تعالي اسمع حبيبك...

عن ابن عمر رضي الله عنهما عن النبي صلى الله عليه وسلم قال: ( كلكم راع، وكلكم مسئول عن رعيته، والأمير راع، والرجل راع على أهل بيته، والمرأة راعية على بيت زوجها وولده؛ فكلكم راع وكلكم مسئول عن رعيته) متفق عليه.
ها ..مين اللي راع ؟؟
كـــــلــــــــكــــــــم
..
شفت بقي ؟؟
اقتنعت بأهمية القيادة ؟؟؟

خلاص ؟
اللي عايزك تطلع بيه بقي من المحاضرة اللذيذة دي حاجة بسيطة..
أنك تنوي وتقرر فعلا تكون قائد...ومش أي قائد..أنت هتكون قائد أحسن..

أمتك عايزاك فبالله عليك لا تخذلها..
حان الوقت لنصرة ديننا




الواجب العملي :

خلال اليومين دول (النهاردة وبكرة)...فكر في مؤسسة أنت قائد ليها...أو تقدر تكون قائد ليها..أو عايز تكون قائد ليها...
أي مؤسسة..حتي لو تكون قائد صالح لأخوتك الصغيرين...

والمطلوب أنك تكتسب اتباعهم ليك عن طريق التأثير...ساعات هتضطر تلجأ للقهر أو المنفعة..لكن خللي دي حالات قليلة والطبيعي أنك بتستخدم التأثير...

ومطلوب كمان أنك تبدأ من اللحظة دي تتدرج معاهم في مستويات القيادة..شوف أنت في أي مستوي وحاول تعلي لغاية المستوي الرابع..
مش هتيجي في يوم ولا اتنين...هتيجي علي مر الزمان إن شاء الله تعالي...

استني !!
أنت مجرد هتقرر إيه هي المؤسسة...هتكتسبهم إزاي...وتحاول تمشي معاهم في المستويات..
بس أنت محتاج تعرف إيه هي الصفات اللي لازم تكون متوافرة فيك كقائد !!!