دا جنان ده ولا ايه؟!ههههههههه, تعالوو نشوووف

فى دايما اسئله وتصرفات على طول بنعملها ..
لو بطلناها هيجرى لنا حاجه.. بس الاسئله بتبقى مستفزه للى بيتسأل ..
وبكون عايز يخنق اللى بيسأله او ميردش عليه

بصوا التصرفات دى والاسئله العجيبه دى .. واحكموا انتم :::

1_واحد داهن الحيطه ولسه مانشفتش وكاتب يافطه اد دماغه حاسب الحيطه لسه مدهونه ...
يقوم يجى واحد ظريف وحاطط ايده عليها وبيلمسها وبيقول يـــــــــــــاه !! دي لسه منشفتش فعلا !!!!
(يعنى هو لازم يحلف)

2_أنت في أوضتك على السرير وطافي النور ومتغطي ....
فيجى اخوك مثلا ويقولك انت هتنام ولا ايه؟ سؤال ينرفز !!
(( اكيد انا مش فى وضع رقص وواضح اوى ان انا هنام ))

3_أنتم معزومين عند ناس ورحتو لبيتهم وأول ما فتحولكوا الباب ..
يسألوكم
ايه ده انتو جيتواا ؟
(لا لسه والله ما جيناش)

4_أنت لابس هدومك و متأنتك و على سنجه عشره وريحة البارفان
واصله لاخر الشارع وخلاص بتفتح باب الشقه يجي حد من أهلك
وينادي ويسألك بصوت عالى انت خارج؟
(( لاء دانا لسه راجع ))

5_ماسك سماعه التلفون وقاعد بتدوس على الارقام يجي حد من أهلك مثلا
ويقولك
انت هتتكلم في التليفون ؟
(( لا بتفرج عليه .. أكيد هتكلم))

6_مثلا : ماسك مذكرة أو كتاب وقاعد بتحفظ ومتحمس اوى جه حد
وقالك :انت قاعد بتذاكر ولا ايه؟
(( تقوم رامي الكتاب و تقوله لااااااااء ))

7_واحد بيخبط على الباب وانت رايح تفتح طبعا هتقول الاول مين؟
فيرد عليك ويقولك انا
(( يا راجل تصدق كنت فاكرك مش انت ))

8- مثلا راكب العربيه ودورتها وخلاص هتطلع..يجيلك البواب ويخبطلك على الزجاج"انتا بكل ذوق تفتح الزجاج وتقوله :خير فى حاجه يقولك:انتا رايح الشغل يا بيه((لأ..العربيه وحشانى)
***********
ربنا هاديك كده..ماسك سبحه وعمال تسبح يجى حد من البيت بيعدى عليك ويقول:انتا بتسبح((لاء..هفرطها واسلقها))9-
***********
10-ولا تعالو شوفوا قنواتنا واسئلتهم البديهيه البايخه برنامج اهداءات بيتصل واحد يطلب اغنيه ترد عليه ست كتكوته(المذيعه)بكل خفه ورشاقه:انتا بتحب الاغنيه دى ولا ايه((..لاء طالبها اخنق على نفسى))
***********
11-او مثلا فى العيد
المذيع:ههههههه ههههههه هههههه نتعرف بيك
المواطن:الفلان الفلانى
المذيع:ههههههه ههههههههه ههههههه بتقول ايه للاهل ههه وصحابك هههههه
وقرايبك هههه وللناس الى انتا مخاصمهم كمان؟هههههههه هههههه هههههه
المواطن:اقولهم كل عام وانتم بخير((اكيد يعنى مش حقولهم البقاء لله))
***********
12-والاسخف بقى..الشلل الكبير..لما المذيعين يكلموا الاطفال
يقول المذيع للطفل:انتا بتحب ماما وبابا((يعنى اساسى الواد لسه مطلعلوش عرق النداله علشان يقول لأ

13-مثلا واحد قاعد ع الكمبيورتر ويجي اخوه ويسألك انت قاعد ع الجهاز
(( اكيد لا انا بجرب الكرسي))؟

14-مثلا قايم من النوم وخارج من الأوضة تيجى ماما تقولك -ايه ده انت صحيت

"لا يا ماما لسة نايم"

بجد مش حاجات تفقع كده في حياتنا ؟؟ شاركوني بشوية حاجات كده من دي ..
انا واثق ان كل واحد عنده حاجات مستفزه كده بيتخنق منها او اى حد حصلة موقف مستفز ممكن يحكى علية